Efstiás 11, Svínadal

Bústaður félagsins að Efstaási 11 í Svínadal var byggður árið 2002 en félagið keypti hann sumarið 2012 og allt innbú var þá endurnýjað. Ný eldhúsinnrétting sett 2014, og baðherbergi standsett 2015.  Bústaðurinn er 65,7 fermetrar að stærð, tvö svefnherbergi eru á efri hæð en eitt á neðri hæð. Rúm eru fyrir 6 manns en auk þess eru til staðar þrjár aukadýnur og sængur og koddar eru fyrir 8 manns.

Góður pallur er í kringum bústaðinn, heitur pottur, gasgrill og garðhúsgögn.

Þetta er lokað svæði, þannig að gestir þurfa að nálgast síma á skrifstofunni hjá okkur áður en farið er af stað.

Lyklar eru afhentir á skrifstofu félagsins, Þjóðbraut 1, ásamt tuskum og gólfmoppu. Gestir þurfa sjálfir að fara með rúmföt, handklæði, diskaþurrkur og salernispappír.

Fleiri myndir af bústaðnum má sjá hér.