Persónuverndaryfirlýsing

Verkalýðsfélag Akraness vinnur persónuupplýsingar í samræmi við gildandi persónuverndarlöggjöf á Íslandi á hverjum tíma, sem og viðkomandi gerðir samningsins um Evrópska efnahagssvæðið.

Persónuvernd skiptir okkur í Verkalýðsfélagi Akraness miklu máli og leggjum við mikla áherslu á að virða réttindi félagsmanna okkar og að öll meðferð persónuupplýsinga sé ávallt í samræmi við gildandi lög og regluverk á hverjum tíma.

Notendur og félagsmenn VLFA geta þurft að gefa upp persónuupplýsingar við notkun heimasíðu VLFA, vlfa.is, til þess að fá aðang og við notkun á orlofs- og félagsvef VLFA. VLFA safnar öllum upplýsingum sem tengjast orlofs- og félagsvef félagsins ásamt þeim upplýsingum sem notendur og félagsmenn gefa upp á heimasíðu félagsins, vlfa.is.

Ef félagsmenn og notendur vilja síðar að þessum upplýsingum sé eytt, mun Verkalýðsfélag Akraness verða við þeirri ósk, nema að það sé ekki hægt af bókhaldslegum eða lagalegum orsökum.

Hjá Verkalýðsfélagi Akraness átt þú rétt á að óska eftir öllum þeim upplýsingum sem eru skráðar og geymdar um þig. Ef þú vilt vita hvaða upplýsingum Verkalýðsfélag Akraness hefur safnað um þig, vinsamlegast hafðu samband við skrifstofu í síma 4309900 eða sendu okkur tölvupóst á netfangið skrifstofa@vlfa.is.

VLFA selur aldrei persónuupplýsingar félagsmanna. VLFA veitir þriðja aðila ekki aðgang að persónuupplýsingum félagsmanna nema þar sem sem slíkt er skylt samkvæmt lögum, þegar slíkt er nauðsynlegt til að vernda hagsmuni félagsmanna eða þar sem þriðji aðili er ráðinn af hálfu VLFA til þess að vinna fyrirfram ákveðna vinnu. Viðkomandi vinnsluaðila er skylt samkvæmt lögum til að halda persónuupplýsingum öruggum og að nota þær ekki í öðrum tilgangi en samningur þess við VLFA segir til um.

Aðeins starfsfólk VLFA hefur aðgang að gögnum félagsmanna og er það okkur mikilvægt að gæta að vernd allra perónuupplýsinga félagsmanna okkar.