Í gær lauk kosningu um kjarasamning iðnaðarmanna við Samtök atvinnulífsins, en Verkalýðsfélag Akraness er með iðnaðarmannadeild innan félagsins og heyra þeir iðnaðarmenn sem tilheyra VLFA og starfa á hinum almenna vinnumarkaði undir þann kjarasamning sem kosið var um í gær.

Þessi kjarasamningur var í stórum atriðum eins og lífkjarasamningurinn sem var undirritaður 3. apríl fyrir verkafólk með örfáum breytingum þó.

Niðurstaða kosningar um kjarasamning iðnaðarmanna var nokkuð afdráttarlaus en 82% iðnaðarmanna í VLFA sögðu já við samningum og einungis 5,9% nei. Kosningarþátttaka var dræm en um 15% iðnaðarmanna sem heyra undir samninginn greiddu atkvæði.