Nú liggur fyrir að húsfyllir verður á tónleikunum með Bubba Mothens sem Verkalýðsfélag Akraness býður félagsmönnum sínum á og haldnir verða í Bíóhöllinni í kvöld.

Yfir 300 miðar eru nú farnir og ljóst að það stefnir í mikla stemningu á komandi tónleikum. Það gleður stjórn félagsins að sjá að þetta framtak virðist falla í afar góðan jarðveg hjá félagsmönnum enda er það stefna stjórnar félagsins að þjónusta sína félagsmenn eins vel og kostur er og eru þessir tónleikar einn liður í þeirri vinnu.

Nánar verður greint frá tónleikunum eftir helgi og myndir þaðan birtar hér á síðunni.