Í gær átti formaður félagsins góðan kynningarfund með starfsmönnum Þorpsins á Akranesi en Þorpið er m.a. félagsmiðstöð fyrir unglinga.

Formaður fór yfir réttindi og skyldur á íslenskum vinnumarkaði sem og nýgerðan kjarasamning félagsins við Akraneskaupstað að ógleymdum þeim réttindum sem starfsmenn öðlast við að vera félagsmenn í Verkalýðsfélagi Akraness.

Þetta var hörku fundur og var afar ánægjulegt að heyra hversu margar og fjölbreytar spurningar starfsmenn Þorpsins komu með á fundinum. Formaður lagði mikla áherslu á að starfsmenn kynntu sér vel réttindi sín í kjarasamningum og færu ávallt vel yfir launaseðla sína um hver mánaðarmót.

Á fundinum var kosinn trúnaðarmaður en um 25 starfsmenn starfa hjá Þorpinu.