Hagsmunasamtök heimilanna sendu frá sér fréttatilkynningu á miðvikudaginn var um þá ályktun sem samþykkt var á aðalfundi Verkalýðsfélags Akraness á þriðudaginn sl. Heimasíða samtakanna er www.heimilin.is
Forsvarsmenn Hagsmunasamtaka heimilanna hafa jafnframt óskað eftir fundi með formanni Verkalýðsfélags Akraness og er fundurinn fyrirhugaður í næstu viku.
Fréttatilkynning frá Hagsmunasamtökum heimilanna
Hagsmunasamtök heimilanna fagna því að aðalfundur Verkalýðsfélags Akraness skuli fyrst verkalýðsfélaga taka undir sjónarmið samtakanna um nauðsyn þess að leiðrétta beri skuldir heimilanna. Enn fremur kalla Hagsmunasamtök heimilanna eftir frekari stuðningi annarra aðildarfélaga ASÍ.
