Búið er að ganga frá samningi fyrir starfsmenn Klafa en sá samningur er uppbyggður með þeim hætti að laun og önnur kjör taka alfarið mið af kjarasamningi Elkem Ísland. Því munu starfsmenn Klafa fá sambærilegar launahækkanir og gengið var frá við Elkem Ísland. Snókur, sem einnig er verktakafyrirtæki sem vinnur meðal annars inni á Grundartangasvæðinu, er líka með tengingu við stóriðjusamningana á Grundartanga og í dag er fundur með forsvarsmönnum Snóks. Vonast formaður til þess að það skýrist á þeim fundi hvort takist að loka þeim samningi en krafan er skýr, að kjör starfsmanna Snóks séu sambærileg og hjá starfsmönnum stóriðjufyrirtækjanna á Grundartanga.