Rétt í þessu lauk kosningu um nýjan kjarasamning Starfsgreinasamband Íslands við Samtök atvinnulífsins og er óhætt að segja að niðurstaðan hafi verið frábær en kjarasamningurinn var samþykktur með 82% greiddra atkvæða. Það er mat formanns VLFA og SGS að þetta sýni og sanni að sú stefna sem tekin var við gerð þessa kjarasamnings hafi farið vel í okkar félagsmenn. Sú stefna laut að því að ganga hér frá langtímasamningi þar sem aðalmarkmið yrði lækkun verðbólgu og vaxta ásamt ríkulegum aðgerðapakka frá stjórnvöldum.

Já, það er ljóst að félagsmenn SGS eru ánægðir með kjarasamninginn enda er þetta samningur sem skilar félagsmönnum á kauptöxtum 23,6% á samningstímanum ásamt hinum ýmsu greiðslum í gegnum tilfærslukerfin, svosem hækkun barnabóta, húsaleigubóta og fríum skólamáltíðum.