Karlpeningurinn á skrifstofu Verkalýðsfélags Akraness þjófstartaði konudeginum í dag og gerði vel við samstarfskonur sínar á ýmsa lund. Var þeim boðið upp á dýrðlegan hádegisverð á kaffistofunni og allar fengu þær blóm að gjöf. Voru þær að vonum kátar með þetta hugulsama framtak.
Að sögn fulltrúa kvenþjóðarinnar á skrifstofu VLFA er komin hefð á það að haldið sé upp á konudaginn og bóndadaginn á skrifstofunni á einhvern hátt og telja þær karlpeninginn á Sunnubrautinni hafa staðið sig óvenju vel í ár.
