Kosningu um kjarasamning Starfsgreinasambands Íslands og Sambands íslenskra sveitarfélaga er nú lokið og var samningurinn samþykktur. Samningurinn var undirritaður 3. júlí síðastliðinn og fór kosning fram rafrænt 5.-15. júlí.

Samningurinn var samþykktur með rúmlega 84% greiddra atkvæða en nei sögðu rúm 10% og rúm 5% tóku ekki afstöðu. Hann var því samþykktur með yfirgnæfandi meirihluta hjá þeim 17 félögum sem eiga aðild að samningnum en kjörsókn var 17,45%. Kjarasamningurinn gildir frá 1. apríl 2024 til 31. mars 2028 og gildir hann afturvirkt.