Þann 30. nóvember nk. munu þrír samningar sem félagið er aðili að renna út. Það eru samningur við launanefnd sveitarfélaga vegna starfsmanna Akraneskaupstaðar, starfsmanna Elkem Ísland á Grundartanga og starfsmanna Klafa.

Félagsmenn kynnið ykkur rétt ykkarAð gefnu tilefni vill stjórn Verkalýðsfélags Akraness minna félagsmenn sína á að hafa samband við skrifstofu félagsins þegar fyrirtæki eru að breyta vinnutilhögun og ráðningarsamningum við starfsmenn í þeim hremmingum sem nú ríða yfir íslenskan vinnumarkað.

Bæjarráð Akraness samþykkti á fundi sínum sl. fimmtudag að setja á stofn samstarfshóp sem meti stöðu og leggi á ráðin um áhrif efnahagsmála. Þetta var gert í framhaldi af fundi sem haldinn var í bæjarþingsalnum á Akranesi tveimur dögum áður, þar sem fulltrúar úr atvinnu- og félagsmálum komu saman og fóru yfir stöðuna í efnahagsmálum og sýnilegar afleiðingar hennar.

Það er óhætt að segja að algjör ringulreið ríki nú á íslenskum vinnumarkaði ef marka má þá holskeflu uppsagna sem nú ríður yfir íslenskan vinnumarkað.  Íslenskir launþegar vita vart hvaðan á sig stendur veðrið og ríkir ótti og angist víða í þjóðfélaginu vegna þeirra uppsagna sem nú dynja á landsmönnum.

Eins og fram hefur komið hér á heimasíðunni þá hefur Verkalýðsfélag Akraness lagt til að ríkisstjórn Íslands auki nú þegar aflaheimildir í þorski umtalsvert á yfirstandandi fiskveiðiári. Slík ákvörðun ætti alls ekki að stofna þorsksstofninum í neina hættu þótt slíkt væri gert í eitt fiskveiðiár eða svo.

Það er óhætt að segja að þessi mánaðarmót ætli að verða blóðug fyrir verkafólk, iðnaðarmenn og skrifstofufólk.  En samkvæmt upplýsingum sem Verkalýðsfélag Akraness hefur þá hefur á fimmta tug verkamanna, iðnaðarmanna og skrifstofumanna verið sagt upp í þessari viku hér á Akranesi.  Flestir þeirra sem sagt hefur verið upp eru með eins mánaðar uppsagnarfrest þannig að síðasti starfsdagur flestra verður 30. nóvember.

Allar líkur eru á því að margt launafólk geti staðið frammi fyrir uppsögnum á næstu vikum og mánuðum. Mikilvægt er að minna á að þegar sótt er um atvinnuleysisbætur, þá er launamanni það í sjálfsvald sett hvort hann greiðir félagsgjald til stéttarfélags síns eða ekki. Með því að greiða félagsgjaldið viðheldur félagsmaður réttindum sínum hjá félaginu svo sem réttindum í sjóðum félagsins sem taka þátt í kostnaði vegna sjúkradagpeninga, sjúkraþjálfunar og menntunar félagsmann.

Verðbólga mældist 15,9% í október og hefur verðlag hækkað um 2,2% frá því í septembermánuði. Þetta er mesta verðbólga sem mælst hefur hér á landi síðan vorið 1990.

Mest áhrif til hækkunar á verðlagi nú hefur hækkun á mat og drykkjarvörum um 4,3% á milli mánaða. Þar af hækkar verð á innfluttum mat- og drykkjarvörum um rúm 8%, innlendum vörum öðrum en grænmeti og búvörum um 4%, grænmeti um tæp 9% og búvörur um 1,7%. Á síðustu 12 mánuðum hefur verð á mat- og drykkjarvörum hækkað um 24,5%.

VLFA þakkar Grétari Þorsteinssyni fyrir gott samstarfí gær lauk ársfundi Alþýðsambands Íslands. Yfirskrift fundarins bar heitið Áfram Ísland - fyrir ungt fólk og framtíðina.  Verkalýðsfélag Akraness átti fimm fulltrúa á fundinum.

Verkalýðsfélag Akraness óskaði eftir því við bæjaryfirvöld að boðað yrði til fundar vegna þeirrar grafalvarlegu stöðu sem upp er komin í íslensku efnahags- og atvinnulífi. Á þeim fundi yrði farið yfir þau úrræði sem tiltæk eru.

Annríki er mikið á skrifstofu félagsins þessa dagana, og mikið um að félagsmenn leiti til skrifstofu með ýmsar fyrirspurnir og vandamál sem rekja má til þess ástands sem nú hefur skapast í íslensku efnahags- og atvinnulífi. Töluvert er um að félagsmenn vilji kanna réttarstöðu sína gagnvart atvinnurekanda sínum, en einnig snúast fyrirspurnir um atriði tengd efnahagsástandinu.

Norðurál á GrundartangaEigendur Norðuráls hafa ákveðið að greiða starfsmönnum fyrirtækisins aukalega sem samsvarar einum mánaðarlaunum. Sem dæmi um þetta glæsilega framtak þá fær starfsmaður sem starfað hefur í 7 ár hjá fyrirtækinu 308.994 kr. Þeir sem eru í hlutastarfi fá greitt í samræmi við það. Einnig ákváðu eigendur fyrirtækisins að greiða fólki sem starfaði við sumarafleysingar í sumar eingreiðslu sem nemur 50.000 kr.