Næstkomandi miðvikudag kl. 18:00 verður haldinn fundur á Gamla Kaupfélaginu þar sem Gylfi Jónasson, framkvæmdastjóri Festu Lífeyrissjóðs mun gera grein fyrir úttektarskýrslu sem Landssamband Lífeyrissjóðanna lét gera.

Skýrslan var viðamikil og bendir á margt sem betur hefði mátt fara í starfsemi lífeyrissjóðanna, en heildartap lífeyrissjóðakerfisins nam tæpum 500 milljörðum króna og tap lífeyrissjóðs Festu, sem er sá lífeyrissjóður sem tilheyrir Verkalýðsfélagi Akraness, nam tæpum 20 milljörðum eða sem nemur 35% af heildareignum sjóðsins.

Formaður hvetur sjóðsfélaga í lífeyrissjóði Festu að fjölmenna á fundinn því það er gríðarlega mikilvægt að hinn almenni sjóðsfélagi fylgist vel með því sem er að gerast í starfsemi lífeyrissjóðanna og á þessum fundi mun sjóðsfélögum gefast kostur á að spyrja framkvæmdastjórann hinna ýmsu spurninga.

Á fundinum verður boðið upp á kaffi og kleinur.

Hægt er að nálgast skýrslu úttektarnefndarinnar hér, en kaflinn um Festu lífeyrissjóð er númer 10 og byrjar á bls. 81.