Í gærkvöldi kynnti formaður félagsins nýtt samkomulag um launahækkanir til handa starfsmönnum Norðuráls fyrir starfsmönnum á C og B vakt. Farið var yfir samkomulagið í heild sinni og hverjar hækkanir til handa starfsmönnum verða eftir undirskrift samkomulagsins.

Í gær náðist samkomulag við forsvarsmenn Norðuráls um þær launahækkanir sem taka eiga gildi hjá starfsmönnum frá og með 1. janúar sl. Samningsaðilar voru búnir að reyna ítrekað að ná saman og var samninganefnd stéttarfélaganna búin að taka ákvörðun um að vísa deilunni til félagsdóms til úrlausnar en eins og áður sagði þá náðist lausn í deilunni í gær.

Formaður fór í vinnustaðaheimsókn í Síldarbræðsluna á Akranesi í gær en þar hefur staðið yfir bræðsla á gulldeplu síðastliðna viku og hafa starfsmenn nú staðið vaktir sleitulaust í 7 daga.

Það er óhætt að segja að fundurinn sem Verkalýðsfélag Akraness og bæjaryfirvöld stóðu fyrir í gær hafi heppnast fullkomlega. Bíóhöllin var kjaftfull af fólki og mikill stuðningur var við því að reglugerð fyrrverandi sjávarútvegsráðherra sem heimilar auknar hvalveiðar yrði látin standa.

Verkalýðsfélag Akraness vill minna félagsmenn sína á opinn fund um hvalveiðmál sem félagið og Akraneskaupstaður standa að og hefst fundurinn kl. 20:00 í Bíóhöllinni í kvöld.

Sjávarútvegsráðherra hefur boðað komu sína á fundinn ásamt fjöldanum öllum af þingmönnum úr kjördæminu svo sem Einari K. Guðfinnssyni, Guðbjarti Hannessyni, Magnúsi Stefánssyni, Herdísi Þórðardóttur, Sturlu Böðvarssyni, Jóni Gunnarssyni, Guðjóni Arnari Kristjánssyni og Kristni H. Gunnarssyni. Einnig hafa hagsmunaaðilar tilkynnt komu sína svo sem Kristján Loftsson frá Hval og Gunnar Bergmann Jónsson framkvæmdastjóri Hrefnuveiðimanna.

Eins og flestum er kunnugt þá gaf fyrrverandi sjávarútvegsráðherra út leyfi til veiða á hrefnu og langreyði frá árinu 2009 til 2013. Hafa fjölmargir hagsmunaaðilar fagnað þessari ákvörðun gríðarlega vegna þess að þeir telja að við eigum að nýta okkar sjávarauðlindir í samræmi við veiðiráðgjöf frá Hafrannsóknarstofnun Íslands.

Í gær var haldinn kynningarfundur vegna nýs kjarasamnings starfsmanna Klafa og fór formaður yfir helstu atriði samningsins með starfsmönnum. Að lokinni kynningu voru greidd atkvæði um samninginn og var hann samþykktur með 90% greiddra atkvæða.

Síðdegis í gær skrifuðu formaður Verkalýðsfélags Akraness og trúnaðarmaður starfsmanna undir nýjan kjarasamning við Samtök atvinnulífsins vegna kjarasamnings starfsmanna Klafa.  Nýi kjarasamningurinn gildir frá 1. desember 2008 til 31. desember 2010.

Aðalstjórn Verkalýðsfélags Akraness minnir félagsmenn Almennrar deildar félagsins á aðalfund deildarinnar í kvöld. Hefst hann klukkan 18:00 og er í fundarsal félagsins að Sunnubraut 13.

Eins og fram kom hér á heimasíðunni í gær þá ákváðu starfsmenn Klafa að boða til verkfalls vegna þeirrar ákvörðunar eigenda Klafa og Samtaka atvinnulífsins að hafna innanhússsáttatillögu ríkissáttasemjara. Það var mat formanns Verkalýðsfélags Akraness og starfsmanna að viðræðurnar væru algjörlega komnar í hnút.