KYNNING                             NÝR KJARASAMNINGUR

Grunnlaun verkamanna sem starfa  hjá Elkem hækka með hæfnisálagi að meðaltali um 48.463 kr. frá 1. Janúar 2023

En heildarlaun ofngæslumanna munu hækka um 80.967 kr. að meðaltali á mánuði.

Í síðasta kjarasamningi Verkalýðsfélags Akraness við Samband íslenskra sveitarfélaga var samið um svokallaðan félagsmannasjóð. Sá sjóður byggist á því að samningsaðilar sem eru í þessu tilfelli Akraneskaupstaður, Hvalfjarðarsveit og hjúkrunar- og dvalarheimlið Höfði greiða sem nemur 1,5% af heildarlaunum starfsmanna inn í þennan sérstaka sjóð. Í samningnum var síðan kveðið á um að útgreiðsla úr sjóðnum skyldi eiga sér stað einu sinni á ári eða í febrúar ár hvert og núna er komið að því að greiða úr sjóðnum.

Grunnlaun verkamanna sem starfa hjá Norðuráli hækka með hæfnisálagi að meðaltali um 49.376 kr. frá 1. Janúar 2023

En heildarlaun verkamanna í kerskála munu hækka um 82.500 kr. að meðaltali á mánuði, en í kerskálanum er fjölmennasti hópurinn sem starfar hjá Norðuráli

Verkalýðsfélag Akraness vill minna félagsmenn sína sem starfa hjá Akraneskaupstað, Hvalfjarðasveit og Hjúkrunar-og dvalarheimilisins Höfða á nýja launatöflu sem tók gildi 1. Janúar 2023.

Verkalýðsfélag Akraness býr yfir öflugum sjúkrasjóði þar sem félagsmönnum okkar er boðið upp á margvíslega styrki úr sjóðnum. Á árinu 2022 greiddi sjúkrasjóður um 100 milljónir í formi sjúkradagpeninga og styrkja til félagsmanna en tæplega 1400 félagsmenn notfærðu sér þá styrki sem VLFA býður sínum félagsmönnum uppá, sem er 46% félagsmanna.

Sjómannadeild Verkalýðsfélags Akraness minnir félagsmenn sem tilheyra deildinni á aðalfund sjómannadeildar sem haldinn verður fimmtudaginn 29. desember klukkan 14:00 í fundarsal félagsins að Þjóðbraut 1.

Kosningu um nýgerðan kjarasamning milli Starfsgreinasambands Íslands og Samtaka atvinnulífsins á hinum almenna vinnumarkaði lauk á hádegi þann 19. desember.

Niðurstöður kosninganna voru afgerandi en kjarasamningurinn var samþykktur hjá þeim 17 félögum sem eiga aðild að honum og yfir heildina kusu tæp 86% þeirra sem greiddu atkvæði með samningnum. Hjá Verkalýðsfélagi Akraness urðu niðurstöður kosninga þannig að samningurinn var samþykktur með tæplega 92% greiddra atkvæða sem er gríðarlega hátt hlutfall.

Sigrún Clausen, heiðursfélagi í Verkalýðsfélagi Akraness, er látin 92 ára að aldri en hún var fædd þann 20. október 1930.

Sigrún gekk formlega í félagið 8. maí 1969 þegar hún hóf störf við fiskvinnslu. Ýmislegt varðandi aðstöðu og réttindi fiskvinnslukvenna kom Sigrúnu á óvart og í kjölfarið fór hún að láta til sín taka í ýmsum baráttumálum í gegnum félagið. Hún var mjög virk í starfi félagsins og gegndi stjórnarstörfum fyrir það í þrjá áratugi. Meðal annars var hún í aðalstjórn frá 1972 til ársins 2000 og varð fyrsti formaður fiskvinnsludeildarinnar árið 1988. Sigrún sat líka um árabil í stjórn sjúkrasjóðs eða allt til ársins 2002 en það ár var hún einmitt gerð að heiðursfélaga VLFA.

Atkvæðagreiðsla um nýgerðan kjarasamning fyrir iðnaðarmenn hefst í dag. Verkalýðsfélag Akraness er aðili að Samiðn og þeir félagsmenn sem vinna eftir þeim samningi geta kosið um hann á skrifstofu félagsins.

Í gær var skrifað undir kjarasamning Samiðnar við Samtök atvinnulífsins en Verkalýðsfélag Akraness er aðili að Samiðn enda er félagið með iðnsveinadeild. Kjarasamningurinn gekk út á að þeir sem ekki taka laun eftir kauptöxtum hækka um 6,75% en kauptaxtar hækka hlutfallslega með sambærilegum hætti og í kjarasamningi Starfsgreinasambands Íslands. Kosning um kjarasamninginn verður auglýst síðar og einnig kynning um hann. Sjá má kjarasamninginn hér.