Viðræðunefnd Starfsgreinasambands Íslands fundaði með fulltrúum Samtaka atvinnulífsins í höfuðstöðvum SA í morgun og var þetta fyrsti formlegi samningafundurinn. Rétt er þó að geta þess að SGS afhenti SA kröfugerð sína 22. júní eða fyrir rúmum 2 mánuðum síðan.

Formannafundur Starfsgreinasambands Íslands var haldinn í gær á Hótel Natura þar sem farið var yfir hin ýmsu mál. Að sjálfsögðu voru komandi kjarasamningar þar efst á baugi. Það kom skýrt fram hjá formönnum að staðan í komandi kjaraviðræðum er snúin enda liggur fyrir að þær gríðarlegu kostnaðarhækkanir sem orðið hafa á öllum sviðum hafa áhrif á lífskjör félagsmanna. Það má segja að þessi misserin sé að skapast sannkölluð lífskjarakrísa. Leigurverð hefur hækkað mikið, vextir sömuleiðis sem og allar nauðsynjavörur og það er samróma álit formanna SGS að bæta þurfi stöðu félagsmanna eins og kostur er í komandi kjaraviðræðum.

Í gær kom Katrín Jakobsdóttir forsætisráðherra ásamt Henný Hinz aðstoðarmanni ríkistjórnarinnar á sviði vinnumarkaðsmála í heimsókn á skrifstofu félagsins.

Með formanni VLFA og SGS á fundinum sat nýráðinn framkvæmdastjóri SGS Björg Bjarnadóttir. Eðli málsins samkvæmt voru komandi kjaraviðræður á hinum almenna vinnumarkaði aðalumræðuefnið og kom formaður SGS því vel á framfæri hverjar áherslur SGS eru í komandi kjarasamningum.

Aðalsteinn Leifsson ríkissáttasemjari kom í heimsókn á skrifstofu félagsins í morgun og átti tæplega tveggja tíma samtal við formann VLFA sem jafnframt er formaður SGS.

Eðli málsins samkvæmt voru komandi kjaraviðræður á hinum almenna vinnumarkaði aðalumræðuefnið. En ljóst er að komandi kjarasamningar verða afar snúnar og erfiðar, enda ljóst að nánast allur ávinningur af síðasta kjarasamningi er búin að sogast í burtu vegna vaxandi verðbólgu og hækkandi vaxta og leiguverðs.

Björg Bjarnadóttir hefur verið ráðin nýr framkvæmdastjóri Starfsgreinasambands Íslands og mun hún hefja störf 1. október næstkomandi.

Björg starfaði sem skrifstofustjóri hjá einu af aðildarfélögum SGS í um 13 ár og þekkir því innviði í starfsemi stéttarfélaga mjög vel. Frá 2018 hefur Björg starfað við kennslu í Fjölbrautarskóla Vesturlands ásamt því að gegna stöðu forstöðumanns bókasafns og sjá um skjalavörslu fyrir fjölbrautarskólann. Hún hefur einnig starfað sem VIRK-ráðgjafi fyrir öll stéttarfélögin á Akranesi og var einn af fyrstu ráðgjöfum sjóðsins og tók þátt í þróun og uppbyggingu þjónustunnar frá upphafi. Hún sat sem aðalmaður í stjórn Festu lífeyrissjóðs frá 2013-2015 og sem varamaður frá 2015-2019 auk þess sem hún sat í verðlagsnefnd búvara á árunum 2015-2017. Þá hefur Björg sinnt hinum ýmsu félags- og sjálfboðaliðastörfum, m.a. umsjón með vikulegu barnastarfi hjá Rauða krossinum.

Vikuna 25. júlí til og með 29. júlí er skrifstofa félagsins lokuð vegna sumarleyfa.

Við opnum aftur þriðjudaginn 2. ágúst.

Ef erindið er mjög nauðynlegt má senda okkur póst á This email address is being protected from spambots. You need JavaScript enabled to view it. 

Viðræðunefnd Starfsgreinasambands Íslands afhenti fulltrúum Samtaka atvinnulífsins kröfugerð 17 aðildarfélaga sambandsins á síðasta miðvikudag. Í kröfugerðinni kemur skýrt fram að SGS leggur áherslu á að samið verði í anda þeirrar hugmyndafræði sem gert var í svokölluðum lífskjarasamningi þar sem horft var á krónutöluhækkanir sem og hagvaxtarauka ásamt fjölmörgum öðrum kröfum er lúta að hinum ýmsu réttindum félagsmanna.

Verkalýðsfélag Akraness vill óska öllum sjómönnum og fjölskyldum þeirra innilega til hamingju með daginn.

Sjómannadagurinn byrjaði á minningarorðum við minningarreit um týnda sjómenn í kirkjugarðinum hér á Akranesi, en þar var lagður blómsveigur til minningar um þá sjómenn sem ekki hafa fundist og hvíla hina votu gröf.

Verkalýðsfélag Akraness vill minna félagsmenn á félagið endurgreiðir félagsmönnum sínum veiðileyfi í vötnunum í Svínadal að fjárhæð 5.900 kr. En í Svínadal í Hvalfirði eru 3 vötn, Eyrarvatn, Þórisstaðavatn og Geitabergsvatn.

Kjaramálaráðstefna Starfsgreinasambands Íslands var haldin á Hótel Örk dagana 23. og 24. maí. Þar var unnið að drögum að komandi kröfugerð vegna kjarasamninganna sem losna í haust.

Aðalfundur Verkalýðsfélags Akraness var haldinn í gær, miðvikudaginn 18. maí á Gamla kaupfélaginu. Í skýrslu stjórnar fór formaður yfir helstu atriði í starfsemi félagsins á liðnu ári og kom fram í máli hans að félagið stendur gríðarlega vel jafnt félagslega sem fjárhagslega. 

Aðalfundur Verkalýðsfélags Akraness verður haldinn miðvikudaginn 18. maí kl. 17:00 á Gamla Kaupfélaginu, Kirkjubraut 11

Dagskrá:

• Skýrsla stjórnar fyrir liðið starfsár.
• Endurskoðaðir reikningar félagsins lagðir fram til afgreiðslu.
• Kosningar sem þurfa að fara fram á aðalfundi samkvæmt 28. grein laga félagsins
• Lagabreytingar á greinum. 9, 14,21,22, 29 og 36
• Önnur mál.