Á síðasta ársfundi Alþýðusambands Íslands var lögð fram tillaga frá Verkalýðsfélagi Akraness um stóraukið lýðræði við stjórnarval í lífeyrissjóðum en eins og fram hefur komið hér á síðunni var sú tillaga kolfelld. Hins vegar var á fundinum samþykkt ályktun um heildarendurskoðun á stefnu ASÍ í málefnum lífeyrissjóða.

Eins og áður hefur komið fram hér á heimasíðunni þá hafa kjaraviðræður stéttarfélaganna við forsvarsmenn Norðuráls frá því um miðjan desember vegna stefnu VM á hendur Norðuráli.

Málið var tekið fyrir í félagsdómi sl. þriðjudag og er dóms að vænta þá og þegar. Þar sem þetta mál hefur tafið kjaraviðræðurnar í rúman mánuð hefur Verkalýðsfélag Akraness farið þess á leit við forsvarsmenn Norðuráls að viðræður hefjist að nýju á föstudaginn kemur.

Nú eru allar ræður formanns Verkalýðsfélags Akraness sem teknar hafa verið upp á myndband aðgengilegar á heimasíðu félagsins. Þetta eru ræður frá ársfundi Alþýðusambands Íslands frá því í október 2009 og einnig ræða sem formaður flutti á Austurvelli síðastliðinn laugardag.

Í júlí á síðasta ári tók fyrirtækið ISS við rekstri mötuneytis og ræstinga hjá Elkem Ísland á Grundartanga af Fangi, sem var í 100% eigu Elkem Ísland. Krafa Verkalýðsfélags Akraness var að við þessa yfirtöku skyldu launakjör fyrrverandi starfsmanna Fangs haldast óbreytt, enda hafa þau verið með sambærilegum hætti og laun annarra starfsmanna á stóriðjusvæðinu.

Eins og fram hefur komið hér á heimasíðunni þá flutti formaður félagsins ræðu á Austurvelli sl. laugardag, en Hagsmunasamtök heimilanna og Nýtt Ísland óskuðu eftir að formaður flytti ræðu á fundinum.

Guðbjartur Hannesson, formaður fjárlaganefndar, kom í heimsókn á skrifstofu félagsins í gær. Það var margt sem bar á góma hjá formanni félagsins og Guðbjarts, m.a. erfiðleikar skuldsettra heimila, Icesave og fyrirhuguð fyrningaleið, enda stóð heimsóknin yfir í rúman klukkutíma.

Eins og fram hefur komið hér á heimasíðunni birti Verkalýðsfélag Akraness áskorun í bæjarblöðunum á Vesturlandi þar sem skorað var á öll vel fjárhagslega stæð fyrirtæki að standa við þann samning sem gerður var 17. febrúar 2008. Eins og flestir vita gekk samninganefnd ASÍ frá samkomulagi við Samtök atvinnulífsins um frestun á launahækkunum sem áttu að taka gildi 1. janúar - 1. júní næstkomandi.

Eins og fram hefur komið hér á heimasíðunni óskuðu Hagsmunasamtök heimilanna og Nýtt Ísland eftir að formaður héldi ræðu á mótmælafundi á Austurvelli á morgun kl. 15. Að sjálfsögðu varð formaður við þessari ósk og hvetur hann alla til að koma og sýna í verki að það ástand sem nú ríkir í íslensku efnahags- og atvinnulífi er algjörlega óásættanlegt.

Formanni bárust rétt í þessu afar jákvæð tíðindi frá HB Granda. Forsvarsmenn fyrirtækisins hafa nú tekið ákvörðun um að hækka launataxta starfsmanna sinna um 6.500 kr. og hækkun uppá 2,5% á bónusgreiðslum frá 1. janúar 2010 þrátt fyrir að samninganefnd Alþýðusambands Íslands hafi gengið frá samkomulagi við Samtök atvinnulífsins um frestun á þessari hækkun til 1. júní nk.

Hagsmunasamtök heimilanna og Nýtt Ísland hafa farið þess á leit við formann félagsins að hann haldi ræðu á útifundi á Austurvelli næstkomandi laugardag 16. janúar.

Að sjálfsögðu mun formaður félagsins verða við þessari ósk og þakkar það traust sem honum er sýnt með því að fá að ávarpa fundinn.

Síðastliðinn föstudag var formaður félagsins í viðtali á Bylgjunni í Reykjavík síðdegis. Þar skoraði hann á vel stæð fyrirtæki að koma með þá launahækkun sem átti að taka gildi 1. janúar sl. hefði samninganefnd Alþýðusambands Íslands ekki tekið ákvörðun með Samtökum atvinnulífsins að fresta launahækkunum til 1. júní nk.

Eins og fram kom hér á heimasíðunni í síðasta mánuði þá var kjaraviðræðum við forsvarsmenn Norðuráls frestað vegna stefnu VM á hendur fyrirtækinu um félagsaðild. Málið verður tekið fyrir 11. janúar og mun niðurstaða væntanlega fást í málið einni til tveimur vikum síðar.