Eins og fram kom hér á heimasíðunni þá lagði Verkalýðsfélag Akraness fram kæru á hendur fyrirtækinu Formaco á föstudaginn sl. 

Formaður félagsins hefur verið í nánu sambandi við Vinnumálastofnun varðandi þetta mál og hefur félagið t.d. komið öllum þeim upplýsingum sem félagið hefur aflað sér til Vinnumálastofnunar.  Fram kemur í viðtali við Unni Sverrisdóttur, lögfræðing Vinnumálastofnunar, í DV í gær að stofnunin hafi í raun hvatt VLFA til að leggja fram kæru á hendur Formaco á þeirri forsendu að fyrirtækið hefur ekki skráð starfsmenn sína eins og lögin kveða á um.  Lögfræðingur Vinnumálastofnunar segir í þessu sama viðtali að það virðist margt vera dularfullt hjá þessu fyrirtæki og ekkert nema gott að lögreglan skoði hugsanleg lögbrot aftur í tímann.

Stjórn Verkalýðsfélags Akraness óskar sjómönnum öllum og fjölskyldum þeirra innilega til hamingju með daginn.  Í dag tilheyra tæplega 200 sjómenn sjómannadeild Verkalýðsfélags Akraness og hefur þeim því miður farið nokkuð fækkandi vegna samdráttar í aflaheimildum hér á Akranesi á undanförnum árum.

Í dag lagði Verkalýðsfélag Akraness fram kæru á hendur fyrirtækinu Formaco til lögreglunnar á Akranesi fyrir að vera með erlenda starfsmenn án tilskilina leyfa t.d. dvalarleyfi og kennitölur.

Málþing Landsmenntar um starfsmenntun í atvinnulífinu var haldið í Hveradölum í gær.  Margir góðir aðilar voru með erindi á þessu málþingi og t.d. var Steinunn K. Pétursdóttir, starfsmannastjóri Smellins frá Akranesi, með nokkuð gott erindi.  Hún gerði málþinginu grein fyrir því hversu mikla áherslu Smellinn leggur á að starfsmenn nýti sér þá starfsmenntun sem í boði er, með það að markmiði að auka enn frekar framleiðni fyrirtækisins og starfsánægju starfsmanna.

Eins fram hefur komið hér á heimasíðunni þá eru þreifingar hafnar hjá nokkrum landsbyggðarfélögum innan Starfsgreinasambands Íslands um að semja sér í komandi kjarasamningum.  Eru þessar þreifingar til komnar vegna þess að Flóabandalagsfélögin Efling stéttarfélag, Verkalýðsfélag Hlíf og Verkalýðs-og sjómannafélag Keflavíkur hafa tekið þá ákvörðun um að fara ein og sér í komandi kjarasamningaviðræður. 

Á fundi Starfsgreinasambands Íslands á Siglufirði í vikunni voru kjaramál og undirbúningur viðræðna við Samtök atvinnulífsins til umræðu, en eins og flestir vita þá renna kjarasamningar á hinum almenna vinnumarkaði út um áramótin.

Formaður Verkalýðsfélags Akraness sat framkvæmdastjórnar fund sem haldinn var á Siglufirði.  Þar var meðal annars samþykkt harðorð ályktun yfir því fiskveiðistjórnunarkerfi sem nánast er að leggja margar byggðir þessa lands í rúst.

Fundur framkvæmdastjórnar Starfsgreinasambands Íslands verður haldinn á Siglufirði þriðjudaginn 22. og miðvikudaginn 23. maí.  Megin dagskrá fundarins lýtur að undirbúningi fyrir komandi kjarasamninga og einnig fyrirhuguðum breytingum á veikinda- og slysarétti.

Verkalýðsfélag Akraness gerði samkomulag við Launanefnd sveitarfélaga um greiðslu sumaruppbótar til þeirra starfsmanna sem voru að vinna eftir kjarasamningi Launanefndar sveitafélaga og Starfsgreinasambands Íslands og voru í starfi hjá Akraneskaupstað fyrir 29. maí 2005. 

Skúli Skúlason starfsmannastjóri Norðuráls fundaði með formanni félagsins á skrifstofu félagsins í dag.  Þessi fundur var nokkuð góður en formaður fór yfir hin ýmsu mál er lúta að réttindum starfsmanna Norðuráls.  Það eru alltaf einhver mál er varða hagsmuni okkar félagsmanna sem þurfa skoðunar við á jafnstórum vinnustað og Norðurál er. 

Í upphafi bæjarráðsfundar á dögunum afhentu fulltrúar íbúa á neðri hluta Akraness bæjarstjóranum á Akranesi undirskriftalista sexhundruð og tveggja íbúa sem mótmæla lyktarmengun frá fiskimjölsverksmiðju HB Granda og Laugafiski ehf. og kröfðust þeir úrbóta. 

Eins og áður hefur komið fram hefur Verkalýðsfélag Akraness á undanförnum mánuðum framkvæmt verðmælingar í verslunum á Akranesi fyrir Verðlagseftirlit ASÍ. Tilgangur þessa verðlagseftirlits er að fylgjast með því hvort sú lækkun sem varð á virðisaukaskatti og vörugjöldum þann 1. mars sl. hafi skilað sér í lækkuðu verði til neytenda.