Stjórn og trúnaðarráð félagsins kom saman til fundar á þriðjudaginn sl. Fjölmörg atriði voru til umræðu á fundinum, en helstu málin sem voru til umræðu voru eftirfarandi:
Formaður félagsins fór á vinnustaðafund í gær hjá lifrabræðslu Jóns Þorsteinssonar ehf. Á fundinum var farið yfir hin ýmsu mál er lúta að réttindum starfsmanna. Helsta málið laut þó að sumarorlofi starfsmanna en til stendur að loka fyrirtækinu í nokkar vikur í sumar og munu starfsmenn taka sitt sumarorlof á meðan á sumarlokuninni stendur.
Skúli Þórðarson fyrrverandi formaður Verkalýðfélags Akraness og heiðursfélagi lést í gær 77 ára að aldri. Skúli gegndi formennsku í Verkalýðsfélagi Akraness á árunum 1966 til 1981.
Nú í dag kom Magnús Stefánsson félagsmálaráðherra í heimsókn á skrifstofu félagsins.
Formaður félagsins átti langt og gott spjall við félagsmálaráðherra en það voru aðallega tvo mál sem helst voru til umræðu. Annars vegar var það mál er lýtur að erlendu vinnuafli og þeim félagslegu undirboðum sem því miður hafa stóraukist í kjölfar aukinnar þátttöku erlends vinnuafls á íslenskum vinnumarkaði.
Fundi í stjórn og trúnaðarráði félagsins sem átti að vera á mánudaginn 23. apríl hefur verið frestað til þriðjudaginn 24. apríl kl. 20:00
Á fundinum verður farið yfir komandi ársfund lífeyrissjóðs Festu og sem dæmi þá verður gengið frá kjöri á fulltrúum á ársfundinn.
Í gærkvöldi funduðu endurskoðendur félagsins með stjórnum félagsins og kynntu þeim ársreikning fyrir árið 2006. Það er óhætt að segja að afkoma félagsins er glæsileg en heildarhagnaður samstæðunar var 54.658.894.
Herdís Ólafsdóttir fyrrverandi formaður kvennadeildar, ritari, heiðursfélagi og starfsmaður Verkalýðsfélags Akraness lést aðfaranótt mánudags 96 ára að aldri.
Óhætt er að segja að fallin sé frá ein af þeim mestu baráttukonum sem tilheyrt hefur Verkalýðsfélagi Akraness frá stofnun þess.
Formaður félagsins fór fyrir helgi í reglubundið eftirlit í fyrirtæki sem er að hefja byggingarframkvæmdir hér á Akranesi. Viðkomandi fyrirtæki er með erlenda starfsmenn í sinni þjónustu.
Formaður félagsins hefur verið að skoða öll þau mál sem Verkalýðsfélag Akraness hefur unnið að á síðastliðnum tveimur árum og lýtur að brotum á réttindum erlendra verkamanna. Í þeirri skoðun kemur í ljós að Verkalýðsfélag Akraness hefur fengið leiðréttingu á launakjörum fyrir erlenda verkamenn og nemur sú leiðrétting tæpum 5,2 milljónum króna á síðastliðnum tveimur árum.
Verkalýðsfélag Akraness er aðili að starfsmenntasjóðum Landsmenntar, Ríkismenntar, Sveitamenntar og Sjómenntar og í þessum sjóðum eiga félagsmenn umtalsverðan rétt til endurgreiðslu á hluta kostnaðar vegna hinna ýmsu starfstengdu námskeiða sem og frístundarnámskeiða. Á síðastliðnu ári greiddi Verkalýðsélag Akraness tæplega 2,5 milljónir í starfsmenntastyrki úr áðurnefndum sjóðum.
Michael Tanchuk forstjóri hefur tilkynnt að hann sé að hætta sem forstjóri Norðuráls.
Samkvæmt fréttatilkynningu, sem meðal annars er birt á Business Wire í dag, hefur Tanchuk verið ráðinn forstjóri bandaríska álsfyrirtækisins Ormet Corp.
Greiðslur úr sjúkrasjóði félagsins hafa aukist um 8% á milli ára og er það fyrst og fremst vegna þess að fleiri styrkir eru nú í boði til handa félagsmönnum heldur en mörg undanfarin ár. Einnig er ein skýring sú að töluverð breyting varð á greiðslu sjúkradagpeninga til félagsmanna eftir að greiðsluskyldu atvinnurekanda líkur. Nú eru sjúkradagpeningar félagsmanna 80% af þeirra launum en þó að hámarki 250.000 og miðast það við laun síðustu sex mánaða fyrir veikindi.
VerkalýðsfélagTil skrifstofunnar geta félagsmenn leitað eftir upplýsingum og annarri aðstoð.
Kt. 680269-6889
Utan afgreiðslutíma má ná í formann félagsins í síma 865 1294.