Í samantekt sem VLFA hefur gert kemur fram að þingfarakaupið hefur hækkað um 40% meira heldur en lágmarkslaun á tímabilinu 1997 til ársins 2007.

Árið 1997 voru lágmarkslaun 61.000 kr. en í dag eru þau 125.000 og hafa því hækkað um 64.000 kr á mánuði eða um 105%. 

Þessa dagana stendur undirbúningur fyrir sumarorlofstímann sem hæst á skrifstofu félagsins og ættu félagsmenn að fá umsóknareyðublað og bækling um sumarleiguna inn um lúgu sína í kringum 20. mars. 

Stjórnir orlofs- og sjúkrasjóðs funduðu í gærkveldi.  Það liggur þónokkuð fyrir hjá orlofsstjórn þar sem töluverðar endurbætur eru framundan á orlofshúsum félagsins.

Ákveðið hefur verið að stækka svalir á þremur íbúðum sem félagið á að Furulundi 8 á Akureyri og hefjast þær framkvæmdir í haust.  Einnig var ákveðið að mála sumarhúsin í Húsafelli og í Svínadal og stefnt er að þeim framkvæmdum verði lokið fyrir sumarúthlutun 15. maí.

Starfsgreinasamband Íslands hélt ráðstefnu um “kaupaukakerfi í fiskvinnslu” á Íslandi, kosti og galla launakerfisins og vinnuverndarsjónmarmið með tilliti til aukinnar tækni og hraða vinnslunnar. Ráðstefnan var notuð til að móta hugmyndir að kröfugerð fyrir næstu kjarasamninga.

Nú er opið fyrir umsóknir um dvöl í orlofshúsum félagsins yfir páskana. Tekið verður á móti umsóknum til og með 9. mars 2007 á skrifstofu félagsins, Sunnubraut 13, sími 4309900.

Dregið verður úr umsóknum 12. mars og haft samband við þá sem fá úthlutað. Eins og með aðra vetrarleigu hefur páskaúthlutun ekki áhrif á punktastöðu félagsmanna.

Framtalsaðstoð félagsins hefst mánudaginn 5. mars nk. Takmarkaður fjöldi tíma er í boði svo félagsmenn eru beðnir að panta sem fyrst. Nauðsynlegt er að hafa öll gögn og veflykil meðferðis, starfsfólk skrifstofu getur aðstoðað við að útvega nýjan veflykil hafi hann glatast.

Formaður félagsins hefur sent öllum formönnum stjórnmálaflokkanna bréf þar sem er óskað er eftir því að formennirnir beiti sér innan síns þingflokks fyrir því að þeir forvarnarstyrkir sem stéttarfélögin veita sínum félagsmönnum verði undanþegnir skatti.

Matvælasvið Starfsgreinasambands Íslands hefur ákveðið að hefja undirbúning að mótun kröfugerðar vegna komandi kjaraviðræðna við Samtök atvinnulífsins. Boðað hefur verið til ráðstefnu á fimmtudag og föstudag í þessari viku á Hótel KEA á Akureyri um málefni fiskvinnslufólks. Ráðstefnan hefst kl. 13:00 á fimmtudag og lýkur um hádegið á föstudeginum.  Núverandi kjarasamningar eru lausir um næstu áramót.

Eins og margoft hefur komið fram hér á heimasíðunni þá sameinuðust Starfsmannafélag Akraneskaupstaðar (STAK) og Starfsmannafélag Reykjavíkurborgar um áramótin. Mikil krafa hefur verið frá einstaka aðilum í bæjarstjórn og fyrrverandi stjórn STAK um að launakjör starfsmanna bæjarins skuli strax taka eftir kjarasamningi Starfsmannafélags Reykjavíkurborgar.

Stjórn félagsins heimsótti Norðurál í dag og er óhætt að segja að forsvarsmenn Norðuráls hafi tekið vel á móti stjórn félagsins.  Það voru þau Óskar Jónsson framkvæmdastjóri tæknisviðs, Trausti Gylfason öryggisfulltrúi og Rakel Heiðmarsdóttir starfsmannastjóri sem tóku á móti stjórn félagsins.

Í gær var Efnalaugin Lísa tekin til gjaldþrotaskipta og í morgun átti formaður félagsins fund með skiptastjóra, Jóni Hauki Haukssyni. Aðalmálið hjá VLFA er að tryggja að réttindi þeirra starfsmanna sem starfa hjá umræddu fyrirtæki verði tryggð. Samkvæmt þeim upplýsingum sem formaður hefur er ekki mikið um vangreidd laun. Formaður fór einnig á vinnustaðinn og fundaði með starfsmönnum, en hjá fyrirtækinu starfa 4 félagsmenn. Gerði formaður þeim grein fyrir því að VLFA myndi gæta þeirra hagsmuna í hvívetna. Ljóst var að starfsmenn voru verulega uggandi um framtíð sína.

Stjórn Verkalýðsfélags Akraness mun fara í heimsókn til Norðuráls á morgun.  Tilgangur heimsóknarinnar er að skoða verksmiðjuna nú þegar stækkun á verksmiðjunni er á lokastigi.  

Þessi heimsókn stjórnar félagsins er einn liður í því að vera í nánu sambandi við sína félagsmenn og kynna fyrir starfsmönnum hvaða þjónustu félagið býður sínum félagsmönnum upp á.  Hjá Norðuráli starfa nú um 420 manns og hefur fjölgað gríðarlega að undanförnu.  Af þessum 420 starfsmönnum eru 300 félagsmenn Verkalýðsfélags Akraness eða sem nemur rúmum 71% af öllum starfsmönnum Norðuráls.