Í gær var haldin kynningarfundur um endurmat á starfsmati með starfsmönnum Akraneskaupstaðar. Þessi fundur var liður í að kynna endurmat á starfsmati sveitarfélaga sem var gert 2004 og er nú í endurskoðun.
Eins og fram hefur komið hér á heimasíðunni þá óskaði félagsmálanefnd Alþingis eftir umsögn frá Verkalýðsfélagi Akraness. Umsögnin lýtur að frumvarpi til laga um réttindi og skyldur erlendra fyrirtækja sem senda starfsmenn tímabundið til Íslands og starfskjör þeirra.
Mikið líf er nú í kringum loðnuvinnsluna hér á Akranesi. Töluverð loðna hefur komið til bræðslu í síldarbræðslunni og útlitið bara nokkuð gott. Afurðaverð á fiskimjöli er að sögn þeirra sem til þekkja í sögulegu hámarki.
Félagsmálanefnd Alþingis hefur óskað eftir að Verkalýðsfélag Akraness gefi umsögn um frumvarp til laga um réttindi og skyldur erlendra fyrirtækja sem senda starfsmenn tímabundið til Íslands og starfskjör þeirra.
Formaður félagsins fundaði með trúnaðartengiliðum Íslenska járnblendifélagsins í dag. Tilefni fundarins var að í febrúar ár hvert er hægt að fara fram á endurskoðun á bónuskerfi starfsmanna Íslenska járnblendifélagsins. Sú endurskoðun getur átt sér stað ef aðilar séu sammála um að bónuskerfið sé ekki að skila því sem til þess var vænst.
Í gær var haldinn bæjarstjórnarfundur hjá Akraneskaupstað sem vart er í frásögur færandi að öðru leyti en því að stór hluti fundarins fjallaði um sameiningu Starfsmannafélags Akraneskaupstaðar (STAK) við Starfsmannafélag Reykjavíkurborgar. Einnig var á fundinum mikið fjallað um hvort meirihluti bæjarstjórnar myndi láta laun starfsmanna bæjarins taka eftir kjarasamningum Starfsmannafélags Reykjavíkurborgar strax, eða að láta núverandi kjarasamning við launanefndina gilda út samningstímann fyrir starfsmenn Akraneskaupstaðar.
|
Samkomulag hefur náðst við gríska útgerðarmanninn sem á og rekur flutningaskipið Castor Star. En eins og fram hefur komið fram hér á heimasíðunni þá hafði áhöfnin ekki fengið laun í um 5 mánuði og matarkostur um borð var af skornum skammti. Samkvæmt upplýsingum sem formaður félagsins hefur aflað sér frá eftirlitsmanni Alþjóðaflutningasambandsins þá náðist samkomulag við gríska útgerðamanninn í gærkveldi. Samkomulagið gengur út á það að skipverjunum var greitt allt það sem þeir áttu inni hjá útgerðinni og kjör þeirra voru látin taka eftir samningum sem gilda hjá Alþjóðaflutningasambandinu, sem er 50% hærra heldur skipverjarnir höfðu samið um. 
Fyrsta loðnan sem landað hefur verið hér á Akranesi á þessari loðnuvertíð barst í gærkveldi, en þá landaði Faxi RE um 1.100 tonnum. Samkvæmt upplýsingum sem formaður félagsins aflaði sér þá er búið að manna á vaktir í síldarbræðslunni og er reiknað með að bræðsla hefjist í kvöld. 
|
