Samninganefnd Verkalýðsfélags Akraness hefur ákveðið að hefja kosningu um verkfall á meðal félagsmanna sinna sem starfa hjá Elkem Ísland á Grundartanga. Fyrirkomulag kosningar er opinn kjörfundur á skrifstofu Verkalýðsfélags Akraness að Sunnubraut 13, og mun kosningin standa yfir frá og með deginum í dag til föstudagsins 14. mars 2014 kl. 12.

Nú rétt í þessu lauk talningu atkvæða í kosningu um sáttatillögu vegna tveggja kjarasamninga sem Verkalýðsfélag Akraness er aðili að í gegnum tvö landssambönd, annars vegar í gegnum Starfsgreinasamband Íslands og hins vegar Samiðn. Félagsmenn VLFA kolfelldu þessa samninga í janúar, en þann 28. febrúar síðastliðinn var skrifað undir þá sáttatillögu sem félagsmenn hafa nú kosið um.

Í gær var haldinn fundur hjá Ríkissáttasemjara vegna kjaradeilu félagsins við Samtök atvinnulífsins vegna starfsmanna Elkem Íslands á Grundartanga. Það skal algerlega viðurkennast að formaður eygði þá von að forsvarsmenn fyrirtækisins myndu leggja fram einhvers konar tilboð sem hægt væri að taka til skoðunar, en það er skemmst frá því að segja að það sem lagt var fram í gær var ekki pappírsins virði. Með öðrum orðum, þetta var gamla góða samræmda launastefnan sem samið var um 21. desember síðastliðinn með örlitlum breytingum.

Í gær fór formaður fór á vaktaskiptum í síldarbræðslu HB Granda á Akranesi og kynnti fyrir starfsmönnum nýjan sérkjarasamning sem félagið skrifaði undir síðastliðinn mánudag. Í heildina gefur samningurinn rétt rúm 5% við undirskrift, en samningurinn er til þriggja ára. Samningurinn gefur starfsmönnum einnig færi á að sækja námskeið sem getur fært þeim töluverðar kjarabætur. Til dæmis mun starfsmaður síldarbræðslunnar sem hefur lokið báðum þeim námskeiðum sem standa til boða samkvæmt samningi þessum og hefur starfað í verksmiðjunni í 7 ár hafa í grunnlaun 287.000 krónum á mánuði.

Vegna forfalla er orlofshús félagsins í Ölfusborgum laust nú um helgina, áhugasamir hafið samband við skrifstofu félagsins í síma 4309900.

Það fer vart framhjá neinum að í dag er Öskudagur og bærinn fullur af búningaklæddum börnum sem syngja í búðum og á vinnustöðum gegn greiðslu í formi sælgætis. Að sjálfsögðu er vel tekið á móti söngglöðum börnum á skrifstofu VLFA, en mikið líf og fjör hefur verið á skrifstofunni í dag. 

Járnblendiverksmiðja Elkem Ísland á GrundartangaEins og margoft hefur komið fram hér á heimasíðunni þá rann kjarasamningur Elkem Ísland út 1. desember síðastliðinn. Þrátt fyrir ítrekaðar tilraunir til að koma á kjarasamningi hefur það ekki tekist. Fyrir þónokkrum vikum síðan vísaði félagið deilunni til ríkissáttasemjara og undir hans handleiðslu hafa verið haldnir 5 fundir án árangurs. Á síðasta mánudag var fundur með forsvarsmönnum Samtaka atvinnulífsins hjá ríkissáttasemjara en því miður gerðist æði lítið á þeim fundi. Á morgun er fyrirhugaður fundur hjá sáttasemjara í þessari deilu og væntir formaður þess að Samtök atvinnulífsins muni leggja fram einhvers konar tilboð þá.

Nú í morgun skrifuðu fulltrúar Verkalýðsfélags Akraness og Samtaka atvinnulífsins undir sáttatillögu ríkissáttasemjara vegna kjarasamninga á almennum vinnumarkaði. Þessi sáttatillaga er viðauki við kjarasamninginn sem mörg félög undirrituðu þann 21. desember sl.

Eins og fram hefur komið hér á heimasíðunni á félagið í harðri kjaradeilu vegna starfsmanna Elkem Ísland á Grundartanga. Einnig hefur komið fram að yfirvinnubann hefur nú staðið yfir í 6 daga og er þetta yfirvinnubann einn liður í því að reyna að ná fram sanngjörnum og réttlátum kröfum starfsmanna um hækkun launa.

Á síðasta miðvikudag var haldinn aðalfundur allra deilda félagsins nema sjómannadeildar enda er sá aðalfundur ætíð haldinn á milli jóla og nýaárs sökum aðstæðna sjómanna.

Auk venjubundinna aðalfundarstarfa, sem eru fólgin í því að kjósa stjórnarmenn í deildirnar, var farið yfir starfsemi félagsins og síðast en ekki síst stöðu kjaramála. Á fundinum fór formaður yfir að Verkalýðsfélag Akraness hefur alfarið hafnað samræmdri launastefnu hvað varðar sérkjarasamninga félagsins á Grundartanga. Enda er þar um sjálfstæða kjarasamninga að ræða og ekki hægt undir nokkrum kringumstæðum að sætta sig við að launakjör þeirra starfsmanna sem þar starfa séu ákvörðuð í einhverri samræmdri launatefnu á milli ASÍ og Samtaka atvinnulífsins.

Verksmiðja Elkem Ísland á GrundartangaRétt í þessu var að ljúka fundi hjá ríkissáttasemjara vegna tveggja kjarasamninga sem Verkalýðsfélag Akraness er með til úrlausnar hjá honum. Eins og fram kom í fréttum í gær þá lagði sáttasemjari fram innanhússtillögu til lausnar á kjaradeilunni á hinum almenna vinnumarkaði. Með innanhússtillögu ríkissáttasemjara fær launafólk þær hækkanir sem um var samið í desembersamningnum, þ.e. einn launaflokk og 8.000 króna hækkun auk 2,8% hækkun á aðra launaliði. Með nýju kjarasamningunum fær launafólk innan SGS að auki samtals 32.300 króna hækkun á desember- og orlofsuppbætur. Desemberuppbót verður þá 73.400 krónur fyrir fullt starf en orlofsuppbót verður 39.500 krónur fyrir fullt starf. Þar sem samningurinn hefur dregist fær launafólk að auki 14.600 króna eingreiðslu í stað launahækkunar í janúar.