Í gær bauð Verkalýðsfélag Akraness eldri félagsmönnum sínum ásamt mökum í dagsferð undir dyggri leiðsögn Björns Finsen. Þessi ferð er árlegur viðburður í starfsemi félagsins og var að þessu sinni farið á Snæfellsnesið.
Verkalýðsfélagi Akraness barst rétt í þessu bréf frá Hermanni Guðmundssyni, forstjóra N1, þar sem áskorun félagsins um að fyrirtækið standi við áður umsamdar launahækkanir vegna góðrar afkomu er svarað.
Eins og fram hefur komið hér á heimasíðu félagsins sendi stjórn Verkalýðsfélags Akraness stjórn N1 áskorun um að fyrirtækið greiddi starfsmönnum sínum þær áður umsömdu launahækkanir sem hefðu átt að taka gildi 1. mars ef ekki hefði komið til samkomulags um frestun á milli samninganefndar Alþýðusambands Íslands og Samtaka atvinnulífsins. Áskorunin var send út sökum þess að N1 skilaði tæpum 500 milljónum í hagnað eftir skatta á fyrstu 6 mánuðum ársins.
Næstkomandi fimmtudag munu um 100 félagsmenn Verkalýðsfélags Akraness 70 ára og eldri halda í dagsferð sem félagið býður árlega upp á. Lagt verður af stað kl. 9:00 frá Íþróttamiðstöðinni að Jaðarsbökkum.
Ráðherrar í heimsókn í verksmiðjunni fyrir fáeinum dögum síðanEins og fram hefur komið hér á heimasíðunni þá hafa starfsmenn Sementsverksmiðjunnar samþykkt að fallast á tillögur framkvæmdastjóra verksmiðjunnar um að minnka starfshlutfall tímabundið niður í 50%. Þetta gera starfsmenn vegna þeirra erfiðleika sem fyrirtækið á nú við að etja sökum mikils samdráttar á byggingarmarkaði og ekki síður vegna þeirra grunsemda um að Aalborg Portland hafi hér á landi stundað undirboð á sementsmarkaðnum.
 Guðjón Guðjónsson aðaltrúnaðarmaður og Katrín Júlíusdóttir iðnaðarráðherraAllir 45 starfsmenn Sementsverksmiðjunnar á Akranesi samþykktu í atkvæðagreiðslu í gær að ganga að tilboði fyrirtækisins um að fara í hálft starf frá 1. nóvember til 1. febrúar næstkomandi. Allir sem einn starfsmenn fyrirtækisins fara í hálft stöðugildi þennan tíma og gildir það jafnt um framkvæmdastjóra sem alla aðra starfsmenn.
Stjórnendur og starfsmenn verksmiðjunnar funduðu síðastliðinn föstudag ásamt formanni Verkalýðsfélags Akraness og forstöðumanni Vinnumiðlunarinnar á Vesturlandi.
Í gær sendi N1 frá sér afkomutilkynningu fyrir fyrstu 6 mánuði ársins. Þar kemur fram að hagnaður af rekstri N1 var 474 milljónir króna á áðurnefndu tímabili en á sama tímabili á síðasta ári var 98 milljóna króna hagnaður af rekstrinum. Einnig segir í tilkynningunni að kjarnastarfsemi félagsins hafi gengið vel á árinu og reiknað sé með að afkoma ársins verði betri en árið 2008. Þetta verða að teljast mjög jákvæð tíðindi.
Hafa forsvarsmenn verksmiðjunnar óskað eftir því við starfsmenn að starfshlutfall starfsmanna verði lækkað tímabundið niður í 50% til að mæta þeim samdrætti sem nú blasir við. Formaður Verkalýðsfélags Akraness og fulltrúi frá Vinnumálastofnunar munu funda með starfsmönnum á föstudaginn kemur vegna þessar óskar forsvarsmanna Sementsverksmiðjunnar.  VerkalýðsfélagAkraness Til skrifstofunnar geta félagsmenn leitað eftir upplýsingum og annarri aðstoð. Kt. 680269-6889 Hafa samband
Afgreiðslutími
Utan afgreiðslutíma má ná í formann félagsins í síma 865 1294. |
Í kvöld mun stjórn Verkalýðsfélags Akraness koma saman til fundar og eitt af málefnum fundarins er sú staðreynd að N1 var að skila 500 milljónum í hagnað á fyrstu 6 mánuðum ársins. Fyrir fundinn verður lögð áskorun til stjórnar N1 þar sem þess verður farið á leit við fyrirtækið að það greiði sínum starfsmönnum þær launahækkanir sem um var samið 17. febrúar 2008.
Ríflega þriðjungur eða 35% þeirra sem eru í launaðri vinnu hafa lent í því að laun eða starfshlutfall hefur verið skert frá hruni bankanna í október. Þetta kemur fram í skoðanakönnun sem Capacent Gallup gerði fyrir ASÍ í júní.
Tveir ráðherrar ríkisstjórnar Íslands munu koma í heimsókn í Sementsverksmiðjuna hér á Akranesi í kl. 13:00 í dag. Þeir ráðherrar sem um ræðir eru þær Svandís Svavarsdóttir umhverfisráðherra og Katrín Júlíusdóttir iðnaðarráðherra.