Starfsmenn Akraneskaupstaðar minnum á fundinn í kvöldVegna nýs kjarasamnings  við Samband íslenskra sveitarfélaga boðar Verkalýðsfélag Akraness þá félagsmenn sína sem starfa hjá sveitarfélögum til kynningafundar á Gamla Kaupfélaginu, Kirkjubraut 11 þriðjudaginn 19. júlí kl. 18:00.

Um síðustu mánaðarmót hóf Elín Reynisdóttir störf sem starfsendurhæfingarráðgjafi allra stéttarfélaganna á Akranesi í samstarfi við VIRK starfsendurhæfingarsjóð. Elín tók við starfinu af Björgu Bjarnadóttur sem hefur sinnt því frá upphafi, en Björg tekur nú við öðrum verkefnum á skrifstofu Verkalýðsfélags Akraness.

Vegna nýs kjarasamnings  við Samband íslenskra sveitarfélaga boðar Verkalýðsfélag Akraness þá félagsmenn sína sem starfa hjá sveitarfélögum til kynningafundar á Gamla Kaupfélaginu, Kirkjubraut 11 þriðjudaginn 19. júlí kl. 18:00.

Á skrifstofu félagsins fást ennþá Veiðikort og gistimiðar á Edduhótel og Fosshótel. Útilegukortin eru hins vegar uppseld en verða aftur í boði að ári.

Athygli er vakin á því að gistimiðar á Fosshótel verða áfram í boði í haust og um að gera að nýta sér þá. 

Í gær var nýr kjarasamningur kynntur fyrir starfsmönnum Klafa og kom fram í þeirri kynningu að allar kröfur starfsmanna hafi náðst fram í þessari erfiðu kjaradeilu, en eins og fram hefur komið hér á heimasíðunni þá átti áður boðað verkfall að hefjast sl. þriðjudag. Sem betur fer náðist að leysa þessa deilu án þess að til verkfalls þyrfti að koma. Fram kom í máli formanns að það hafi tekist vegna þeirra gríðarlegu samstöðu og einhugs sem ríkti hjá starfsmönnum í þessari deilu, enda var krafan í sjálfu sér mjög sanngjörn, að launakjör starfsmanna skyldu hækka til jafns við starfsbræður þeirra hjá Elkem Ísland.

Fjórtán félagsmenn úr nokkrum stéttarfélögum hafa sent formönnum stéttarfélaga sem tilheyra Starfsgreinasamband Íslands bréf þar sem fram kemur að þau sé verulega ósátt við afgreiðslu á málefnum fyrrverandi framkvæmdastjóra SGS.

Orlofssjóður Verkalýðsfélags Akraness hefur fest kaup á nýlegu fjögurra herbergja heilsárshúsi við Berjabraut í Kjós. Um er að ræða 83,2 fermetra hús byggt árið 2005 sem stendur á fallegum útsýnisstað yfir Hvalfjörðinn í landi Hálsa í Kjós.

Stjórn Verkalýðsfélags Akraness ákvað á fundi fyrir helgi að styrkja félagsmann sinn Þórarinn B Steinsson til að hann gæti áfrýjað dómi Héraðsdóms Reykjavíkur frá því 5. júlí sl.  Dómurinn sýknaði Sjóvá og Norðurál af allri bótaskyldu gagnvart Þórarni vegna slyss sem hann varð fyrir þegar hann var að hjálpa samstarfskonu sinni hjá Norðuráli, en Þórarni ásamt öðrum starfsmanni Norðuráls tókst að lyfta 620 kg. stálbita sem fallið hafði á fætur samstarfskonu þeirra. Við slysið varð Þórarinn 75% öryrki og hefur ekki fengið neinar bætur vegna þessa slyss.

Þann 5. júlí síðastliðinn féll stórundarlegur dómur í Héraðsdómi Reykjavíkur í máli Þórarins Björns Steinssonar gegn Norðuráli og Sjóvá vegna slyss sem hann varð fyrir er hann var að bjarga samstarfskonu sinni sem hafði lent í því að fá 620 kg. stálbita ofan á sig. Þórarinn og samstarfsmaður hans tóku ákvörðun um það að lyfta bitanum ofan af samstarfskonunni til að hægt yrði að ná henni undan. Við þessa hetjulegu björgun varð Þórarinn fyrir alvarlegum bakmeiðslum sem hann hefur átt í síðan slysið átti sér stað og hefur m.a. verið lagður tvívegis inn á sjúkrahús sökum verkja sem rekja má til slyssins.

Eftir hörð átök vegna kjarasamnings starfsmanna Klafa á Grundartanga tókst að ganga frá nýjum kjarasamningi í húsakynnum Ríkissáttasemjara upp úr hádegi í dag. Það er skemmst frá því að segja að markmið félagsins og starfsmanna um sömu launahækkanir og um var samið hjá Elkem Ísland hafi náðst að fullu. Verða það að teljast afar ánægjuleg tíðindi og í ljósi þeirra hefur formaður VLFA tilkynnt Ríkissáttasemjara og Samtökum atvinnulífsins að boðuðu verkfalli sem taka átti gildi nk. þriðjudag hafi verið aflýst.

Rétt í þessu skrifaði formaður félagsins undir kjarasamning við Launanefnd Sveitarfélaga vegna félagsmanna sinna sem starfa hjá Akraneskaupstað og Hvalfjarðasveit. Samningurinn er að mörgu leyti sambærilegur þeim sem um var samið á hinum almenna vinnumarkaði, en reyndar var verið að breyta launatöflu þar sem lífaldurshækkanir voru lagðar af og í staðinn voru tekin upp svokölluð persónuálög. 

Töluvert annríki hefur verið við kjarasamningagerð undanfarna daga en nú er verið að leggja lokahönd á kjarasamning fyrir starfsmenn sveitarfélaga. Það eina sem eftir á að ganga frá eru sérákvæði sem Verkalýðsfélag Akraness hafði og er allt útlit fyrir að skrifað verði undir kjarasamninginn á morgun. Í framhaldinu mun formaður kynna samninginn þá félagsmenn sem starfa eftir samningi VLFA við launanefnd sveitarfélaga en í þessu tilfelli er bæði um að ræða félagsmenn hjá Akraneskaupstað og Hvalfjarðarsveit.