Formenn Starfsgreinasambands Íslands hafa gengið endanlega frá kröfugerðinni fyrir komandi kjarasamninga á hinum almenna vinnumarkaði.  Kröfugerðin verður afhent forsvarsmönnum Samtaka atvinnulífsins næsta miðvikudag og á þeirri forsendu er ekki hægt að upplýsa um innihald kröfugerðarinnar fyrr en búið verður að afhenda SA kröfurnar.

Viðræðunefnd Starfsgreinasambands Íslands sem mun leiða viðræðurnar fyrir hönd SGS kom saman í morgun til að leggja lokahönd á kröfugerð við Samtök atvinnulífsins sem lögð verður fyrir formannafund á morgun.

Ekki byrjar það glæsilega ef marka má frétt sem birtist í 24 Stundum í dag. Þar kemur fram hjá Vilhjálmi Egilssyni framkvæmdastjóra Samtaka Atvinnulífsins að samtökin sjái engan fót fyrir þeirri kröfu aðildarfélaga SGS að lágmarkslaun hækki úr 125.000 kr. í 170.000 kr. 

Eins og fram hefur komið hér á heimsíðunni þá hefur formaður félagsins að undanförnu verið með kynningarfundi um réttindi og skyldur fyrir starfsmenn Íslenska járnblendifélagsins .  Á þessum kynningarfundum hefur formaður farið nokkuð ítarlega yfir nýja bónuskerfið sem tók gildi samhliða nýjum kjarasamningi árið 2005.

Lágmarkslaunin í dag eru íslensku samfélgi til skammarAðalsamninganefnd Starfsgreinasambands Íslands kom saman til fundar í gær til að leggja lokahönd á kröfugerð fyrir komandi kjarasamninga við Samtök atvinnulífsins, en nú eru einungis fimm vikur þar til samningur rennur út.

Viðræðunefnd Starfsgreinasambands Íslands sem mun leiða viðræðurnar við Samtök atvinnulífsins í komandi kjarasamningum mun koma saman til fundar á morgun.  Á fundinum verður væntanlega reynt að leggja lokahönd á kröfugerð SGS fyrir komandi kjarasamninga, en nú eru einungis rúmar fimm vikur þar til núverandi kjarasamningur rennur út.

Í dag fór formaður félagsins í vinnustaðaheimsókn til þeirra starfsmanna HB Granda sem starfa í síldarbræðslunni.  Átti formaður gott samtal við starfsmennina, en sérkjarasamningur starfsmanna síldarbræðslunnar rennur út um áramótin. 

Eins og fram hefur komið hér á heimasíðunni hélt formaður nýverið kynningarfund fyrir starfsmenn Smellinn. Á þeim fundi kom fram að enginn trúnaðarmaður var hjá fyrirtækinu eftir að sá sem áður hafði gegnt því starfi lét af störfum.

Eins og flestir félagsmenn vita þá hefur núverandi stjórn sjúkrasjóðs stóraukið réttindi félagsmanna í sjúkrasjóði félagsins. Samtals hefur 5 nýjum bótaflokkum verið bætt við síðan í maí í fyrra. Var það gert vegna góðrar afkomu sjóðsins á undanförnum árum og er einn liður í því að bæta réttindi okkar félagsmanna.

Frestur til að skila inn framboðslistum til stjórnarkjörs rann út á hádegi í dag. Þar sem ekki bárust aðrir listar en sá sem stjórn og trúnaðarráð lagði fram telst sá listi sjálfkjörinn til næstu tveggja ára.

Sá mikli niðurskurður á aflaheimildum í þorski hefur ekki bitnað á landvinnslunni hér á Akranesi, alla vega ekki enn sem komið.  er.  Formaður félagsins fer reglulega í vinnustaðaheimsókn í frystihúss HB Granda hér á Akranesi til að taka púlsinn á starfseminni.

Í blaðinu 24 stundir í dag er viðtal við Árna Mathiesen fjármálaráherra þar sem fjallað er um komandi kjarasamninga.  Fjármálaráðherra segir m.a. í viðtalinu orðrétt,  "Kröfur um þrjátíu prósenta hækkun lægstu launa hafa oft heyrst í aðdraganda kjarasamninga, en svo róast hlutirnir og færast nær raunveruleikanum".  Einnig sagði fjármálaráðherra að ríkið hefði ekki svigrúm til 30% launahækkunar.