Nú liggur fyrir að húsfyllir verður á tónleikunum með Bubba Mothens sem Verkalýðsfélag Akraness býður félagsmönnum sínum á og haldnir verða í Bíóhöllinni í kvöld.

Yfir 300 miðar eru nú farnir og ljóst að það stefnir í mikla stemningu á komandi tónleikum. Það gleður stjórn félagsins að sjá að þetta framtak virðist falla í afar góðan jarðveg hjá félagsmönnum enda er það stefna stjórnar félagsins að þjónusta sína félagsmenn eins vel og kostur er og eru þessir tónleikar einn liður í þeirri vinnu.

Forsvarsmenn Verkalýðsfélags Akraness fóru í morgun í alla leikskóla bæjarins og gáfu börnunum harðfiskpoka í tilefni af sjómannadeginum sem verður haldinn hátíðlegur vítt og breitt um landið á sunnudaginn kemur.

Klukkan 15:00 í dag mun formaður félagsins halda kynningarfund með starfsmönnum Sjúkrahúss Akraness vegna nýgerðs kjarasamnings við ríkið. Formaður mun á þessum kynningarfundi fara ítarlega yfir samninginn og jafnframt gera grein fyrir fyrirkomulagi á kosningu um nýgerðan samning.

Nú styttist óðum í Bubba-tónleikana en þeir hefjast nk. föstudag kl. 20:00. Húsið opnar kl. 19:30.

Það er Verkalýðsfélag Akraness sem býður félagsmönnum sínum upp á þessa tónleika og er enn hægt að fá miða.

Í nótt var gengið frá kjarasamningi SGS við fjármálaráðherra f.h. ríkissjóðs. Samningurinn er einungis til 11 mánaða eða til loka mars 2009.   Helstu atriði samningsins eru eftirfarandi:

Eins og undanfarin ár hefur Verkalýðsfélag Akraness gert samning við Starfsmannafélag Íslenska Járnblendifélagsins um frían aðgang að tjaldsvæðunum á Þórisstöðum.

Í samningum er kveðið á um að allir félagsmenn í Verkalýðsfélagi Akraness og makar þeirra og börnum upp að 16 ára aldri eigi frían aðgang að tjaldstæðum í landi Þórisstaða í Svínadal.  Auk þess er félagsmönnum VlFA heimilt að veiða í Geitabergsvatni, Þórisstaðavatni og Eyrarvatni.  Þessu til viðbótar mega félagsmenn VLFA spila golf á Þórisstöðum án endurgjalds.

Eins og fram hefur komið hér á heimasíðunni þá var öllum nema 20 starfsmönnum landvinnslu HB Granda á Akranesi sagt upp störfum í vetur og áttu uppsagnirnar að taka gildi um næstu mánaðarmót. Nú hafa hins vegar forsvarsmenn fyrirtækisins boðið öllum þeim sem vilja tímabundna ráðningu í 5 til 6 vikur til viðbótar og verða það að teljast mjög gleðileg tíðindi.

Aðalsamninganefnd Starfsgreinasambands Íslands kom saman til fundar í húsakynnum ríkissáttasemjara á mánudaginn var vegna kjarasamnings við ríkið en sá samningur rann út 31. mars sl.

Nú er endurúthlutun orlofshúsa lokið og var eindaginn á föstudaginn sl. Búið er að losa þær vikur sem ekki voru greiddar á eindaga og er nú hægt að skoða lista yfir lausar vikur hér. Þessi listi verður uppfærður eftir þörfum.

Eins og áður hefur komið fram hér á heimasíðunni þá ætlar Verkalýðsfélag Akraness að bjóða félagsmönnum sínum á tónleika með Bubba Morthens í Bíóhöllinni föstudaginn 30. maí kl. 20:00.

Bæjarstjórn Akraness samþykkti á fundi sínum síðasta þriðjudag að skoða möguleika á að standa fyrir ráðstefnu á haustdögum um atvinnumál sjávarútvegsfyrirtækja og fyrirkomulag kvótamála í samvinnu við Samband sveitarfélaga.  Það var afar ánægjulegt að sjá að tillagan var samþykkt samhljóða í bæjarstjórn.

Forsvarsmenn HB Granda hafa endurráðið tvo af þeim fjórum starfsmönnum sem sagt var upp ekki alls fyrir löngu í Síldar- og fiskimjölsverksmiðjunni á Akranesi. Þessu fagnar formaður félagsins þó vissulega hefði hann kosið að sjá endurráðningu allra starfsmannanna.