Í gær var haldinn fundur um lífeyrissjóðsmál er tengjast sjóðnum sem Verkalýðsfélag Akraness er aðili að sem er Festa. En samkvæmt úttektarskýrslunni sem rannsóknarnefndin gerði kemur fram að sjóðurinn hafi tapað tæpum 20 milljörðum eða um 36% af heildareignum sínum.

Það er óhætt að segja að sorgartíðindi hafi borist þegar tilkynnt var í dag að 4-5 starfsmönnum hjá Elkem Ísland hafi verið sagt upp störfum sökum þess að verið er að hætta með framleiðsluna á FSM í verksmiðjunni, en þessi framleiðsla hefur nú verið flutt til Noregs. Á síðustu 6 mánuðum hafa hvorki fleiri né færri en 17 manns misst vinnuna hjá Elkem Ísland á Grundartanga, sem verða að teljast skelfileg tíðindi vegns þess atvinnuástands sem nú ríkir á íslenskum vinnumarkaði.

Jaðarsbakkalaug á AkranesiFundur Verkalýðsfélags Akraness með fulltrúum Akraneskaupstaðar vegna starfsmatsniðurstaðna fyrir sundlaugarverði II með vakstjórn var haldinn í morgun. Á fundinum var tilkynnt að þeir sem gegna áðurnefndum störfum skulu hækka vegna starfsmats sem fram fór árið 2007 úr 329 stigum í 364 stig sem þýðir að viðkomandi starfsmenn færast úr launaflokki 121 í launaflokk 125 eða sem nemur fjórum launaflokkum.

Næstkomandi miðvikudag kl. 18:00 verður haldinn fundur á Gamla Kaupfélaginu þar sem Gylfi Jónasson, framkvæmdastjóri Festu Lífeyrissjóðs mun gera grein fyrir úttektarskýrslu sem Landssamband Lífeyrissjóðanna lét gera.

Formaður átti fund með fulltrúum Hagsmunasamtaka heimilanna í morgun, þeim Andreu Ólafsdóttur, formanni samtakanna, Þórði Sigurðssyni og Ragnari Þór Ingólfssyni, stjórnarmanni í VR. Málefni fundarins voru hagsmunir heimilanna og hinar ýmsu hugmyndir er lúta að stéttarfélagsbaráttu fyrir almenning í þessu landi.

Í gær streymdu fulltrúar allra starfsstétta á skrifstofu Verkalýðsfélags Akraness og létu í sér heyra. Um var að ræða flugfreyjur, viðskiptajöfra, pappakassa, prinsessur, uppvakninga, bardagalistamenn, fótboltahetjur og ótal fleiri furðuverur sem allar fengu úrlausn sinna mála hjá starfsfólki skrifstofu.

Í gærkvöldi var aðalfundur deilda Verkalýðsfélags Akraness haldinn á Gamla Kaupfélaginu. Fundurinn var með hefðbundnu sniði, en formaður fór yfir starfsemi félagsins á síðasta ári og kom þar víða við enda var nýliðið ár einstaklega viðburðaríkt, óvenju margir kjarasamninga gerðir og mikill fjöldi mála sem þurfti að sinna.

Enn fjölgar í hópi þeirra fyrirtækja og þjónustuaðila sem bjóða félagsmönnum Verkalýðsfélags Akraness afslætti og sérkjör gegn framvísun félagsskírteinis.

Nýir samstarfsaðilar eru:

Formanni félagsins var boðið að sitja fund um lífeyrissjóðina í grasrótamiðstöðinni í Reykjavík í gær en fundurinn var haldinn á vegum Hreyfingarinnar.  Þeir sem voru í pallborði voru Eygló Harðardóttir, þingmaður Framsóknarflokksins og Benedikt Sigurðsson frá Akureyri, sem hefur látið mikið til sín taka í málefnum lífeyrissjóðanna og verðtryggingarinnar. Einnig var Margrét Tryggvadóttir, þingmaður Hreyfingarinnar í pallborði sem og Ragnar Þór Ingólfsson, stjórnarmaður í VR.

Árni Múli Jónasson, bæjarstjóri AkranessÍ morgun komu þeir Árni Múli Jónasson bæjarstjóri og Guðjón Steinsdórsson, verkefnisstjóri nýsköpunar og atvinnumála hjá Akraneskaupstað, í heimsókn á skrifstofu félagsins.

Sameiginlegur aðalfundur allra deilda Verkalýðsfélags Akraness, nema sjómannadeildar, verður haldinn á Gamla Kaupfélaginu þriðjudaginn 21. febrúar kl. 18:00. Sjómannadeildin hélt sinn aðalfund þann 28. desember sl.

Um síðustu helgi var brotist inn í bústað félagsins í Hraunborgum og þaðan stolið sjónvarpi. Skrifstofu félagsins er einnig kunnugt um að óprúttnir aðilar hafi farið inn í annan bústað á svæðinu í sömu erindagjörðum.